రైతు బీమా బంద్ చేసి..ఆ కుటుంబాల ఉసురు పోసుకుంటున్రు: మాజీ మంత్రి హరీష్ రావు…
రైతు బీమా అమలు చేయకుంటే సీఎం ఇల్లు ముట్టడిస్తాం
కరెంట్, సాగునీరు ఇవ్వడంలో కాంగ్రెస్ ప్రభుత్వం
మాజీ మంత్రి హరీశ్ రావు…
_సిద్దిపేట టౌన్ : రైతు బీమా_ _పథకాన్ని నిలిపివేసి రేవంత్ రెడ్డి ప్రభుత్వం సుమారు మూడు వేల రైతు కుటుంబాలను రోడ్డున పడేసి ఆ కుటుంబాల ఉసురు పోసుకుంటోందని మాజీ మంత్రి, బీఆర్ఎస్ డిప్యూటీ ఫ్లోర్ లీడర్ హరీశ్ రావు విమర్శించారు._
_సిద్దిపేటలో రైతు బీమా అందని 22 బాధిత కుటుంబాలతో గురువారం ఆయన సమావేశమయ్యారు._
_ఈ సందర్భంగా ఆయన మాట్లాడుతూ రాష్ట్రవ్యాప్తంగా ప్రాణాలు కోల్పోయిన మూడు వేల మంది రైతుల కుటుంబాలకు రూ. 5 లక్షల చొప్పున ఎక్స్ గ్రేషియా చెల్లించాలని, ఎల్ఐసీకి ప్రీమియం కట్టి రైతు బీమాను యథావిధిగా కొనసాగించాలని డిమాండ్ చేశారు._
_కాంగ్రెస్ నాయకులు కొత్త పథకం తెస్తామని బడ్జెట్ లోచెప్పారని, కానీ ఆ పథకం ఇప్పటికీ అతీగతీ లేదన్నారు. కేసీఆర్ గుంట భూమి ఉన్నా.. ఇంట్లో ఎంత మంది ఉంటే అంత మందికి పథకం వర్తింపజేశారని, కాంగ్రెస్ చెప్పే పథకం కేవలం ఇంటి యజమానికి మాత్రమే వర్తిస్తుందని తెలిపారు._
_కరెంట్, సాగునీరు ఇవ్వడంలో కాంగ్రెస్ ప్రభుత్వం విఫలమైందని ఆరోపించారు. డిమాండ్లు నెరవేర్చకపోతే సీఎం ఇల్లును ముట్టడిస్తామని హెచ్చరించారు. అనంతరం సిద్దిపేటలో ఎన్ హెచ్ ఎం, ఆయుష్, సర్వశిక్షా అభియాన్ ఉద్యోగుల నిరవధిక సమ్మెతో పాటు స్కావెంజర్ల ఆందోళనకు ఆయన సంఘీభావం తెలిపారు._
