డొంకేశ్వర్‌లో శ్రీ మహాలక్ష్మీదేవి అవతారంలో అమ్మవారి దర్శనం.
22వ వార్షికోత్సవం సందర్భంగా రూ. 22,22,222 నోట్లతో అమ్మవారికి ప్రత్యేక అలంకరణ…
డొంకేశ్వర్: గ్రామంలో నిర్వహిస్తున్న దేవి శరన్నవరాత్రి ఉత్సవాల్లో భాగంగా ఏడవ రోజు అమ్మవారు శ్రీ మహాలక్ష్మీదేవి అవతారంలో భక్తులకు దర్శనమిచ్చారు ఈ సందర్భంగా అమ్మవారిని సప్తశృంగి, తుల్జా భవాని రూపాల విశేషాలతో అలంకరించి ప్రత్యేక పూజలు నిర్వహించారు.
మహాలక్ష్మీదేవి అవతార అలంకరణతో పాటు ఆలయ 22వ వార్షికోత్సవాన్ని పురస్కరించుకుని రూ. 22,22,222 నగదుతో అమ్మవారికి ప్రత్యేక అలంకరణ చేసినట్లు నిర్వాహకులు తెలిపారు. ఈ విశేష అలంకరణను దర్శించుకునేందుకు భక్తులు ఆసక్తిగా తరలివచ్చారు. అమ్మవారి కృపతో ప్రజలందరికీ సుఖసంతోషాలు, ఆయురారోగ్యాలు కలగాలని భక్తులు ప్రార్థించారు.
