శ్రీలక్ష్మీ నరసింహస్వామి ఉత్సవాలకు పారిశుధ్య ఏర్పాట్లు
ముచ్కూర్ చౌరస్తా నుంచి నింబాచల క్షేత్రం వరకు ప్రత్యేక శానిటైజేషన్ పనులు…
త్రిశూల్ న్యూస్ రిపోర్టర్ కూనే జితేందర్
భీమ్‌గల్: నిజామాబాద్ జిల్లా భీమ్‌గల్ పట్టణంలో మున్సిపల్ శాఖ ఆధ్వర్యంలో మంగళవారం ప్రత్యేక పారిశుధ్య పనులు చేపట్టారు. శ్రీలక్ష్మీ నరసింహస్వామి ఉత్సవాలను పురస్కరించుకుని ముచ్కూర్ చౌరస్తా నుంచి నింబాచల క్షేత్రం వరకు రోడ్డుకు ఇరువైపులా శానిటైజేషన్ పనులు నిర్వహించారు.
ఈ సందర్భంగా మున్సిపల్ కమిషనర్ గజానంద్ మాట్లాడుతూ.. ఉత్సవాలకు వచ్చే భక్తులకు ఎలాంటి అసౌకర్యం కలగకుండా అన్ని ఏర్పాట్లు చేస్తున్నామని తెలిపారు. పరిసరాలు పరిశుభ్రంగా ఉండేలా ప్రత్యేక పారిశుధ్య చర్యలు చేపడుతున్నట్లు పేర్కొన్నారు. భక్తుల సౌకర్యం, ప్రజారోగ్య పరిరక్షణకు మున్సిపల్ సిబ్బంది నిరంతరం పనిచేస్తున్నారని తెలిపారు.
