ఆదర్శ గ్రామంగా లింగుపల్లి కుర్దును తీర్చిదిద్దాలి…
వర్షపు నీటి సంరక్షణకు ప్రాధాన్యం ఇవ్వాలి.. యాసంగిలో ఆరుతడి పంటలే సాగు చేయాలి కలెక్టర్ ఆశిష్ సంగ్వాన్…
త్రిశూల్ న్యూస్ రిపోర్టర్ గడిల లింగం
కామారెడ్డి జిల్లా లింగంపేట మండలం లింగుపల్లి కుర్దు గ్రామాన్ని జిల్లాలో ఆదర్శ గ్రామంగా తీర్చిదిద్దేందుకు ప్రజలంతా భాగస్వాములు కావాలని జిల్లా కలెక్టర్ ఆశిష్ సంగ్వాన్ అన్నారు. బుధవారం లింగంపేట మండలంలోని లింగుపల్లి కుర్దు గ్రామాన్ని ఆయన సందర్శించారు. గ్రామ సర్పంచ్ ప్రత్యూష సాయరంతో కలిసి గ్రామంలో చేపట్టిన ప్లాస్టిక్ రహిత కార్యక్రమాలు, నీటి సంరక్షణ నిర్మాణాలు, పారిశుద్ధ్య పనులను పరిశీలించారు.
అనంతరం గ్రామంలోని హైస్కూల్ ఆవరణలో గ్రామస్థులతో సమావేశమయ్యారు. ఈ సందర్భంగా కలెక్టర్ మాట్లాడుతూ.. లింగుపల్లి కుర్దును జిల్లాలో మూడో ప్లాస్టిక్ రహిత గ్రామంగా తీర్చిదిద్దేందుకు కృషి చేస్తున్నట్లు తెలిపారు. వర్షపు నీటిని వృథా చేయకుండా సంరక్షించాలని, యాసంగి సీజన్‌లో రైతులు ఆరుతడి పంటల సాగుకు ప్రాధాన్యం ఇవ్వాలని సూచించారు. ప్రజల భాగస్వామ్యంతో గ్రామాభివృద్ధికి కృషి చేస్తున్న సర్పంచ్ ప్రత్తుష సాయరంను అభినందించారు.
ఈ కార్యక్రమంలో అదనపు కలెక్టర్ ఎన్.వై . గిరి, డిప్యూటీ సీఈఓ సురేందర్, వ్యవసాయ అధికారి మోహన్‌రెడ్డి, ఉద్యానవన అధికారి జ్యోతి, ఉప సర్పంచ్ సంతోష్ కుమార్, తహసీల్దార్ సురేష్, ఎంపీడీఓ ప్రవీణ్, రెవెన్యూ ఇన్‌స్పెక్టర్ కిరణ్, వివిధ శాఖల అధికారులు, గ్రామ పెద్దలు గుల్లా కాశీరాం, గ్రామస్థులు, రైతులు, యువత పాల్గొన్నారు.
