మైలారం వెంకటేశ్వర స్వామి ఆలయానికి రూ.50 లక్షలు మంజూరు…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాదు జిల్లా ధర్పల్లి మండలం మైలారం గ్రామంలోని శ్రీ వెంకటేశ్వర స్వామి ఆలయ పునరుద్ధరణ, అభివృద్ధి పనులకు రాష్ట్ర ప్రభుత్వం రూ.50 లక్షలు మంజూరు చేసింది. ఇందులో రూ.40 లక్షలు ప్రభుత్వం కేటాయించగా, రూ.10 లక్షలు గ్రామస్తులు సమకూర్చారు. నిధుల మంజూరుకు సంబంధించిన ప్రొసీడింగ్స్ పత్రాన్ని గురువారం నిజామాబాద్ రూరల్ ఎమ్మెల్యే డా. ఆర్. భూపతి రెడ్డి ఆలయ కమిటీ సభ్యులకు, సర్పంచ్ కావ్య మధు ఆధ్వర్యంలో అందజేశారు. ఈ సందర్భంగా ఎమ్మెల్యే మాట్లాడుతూ ఆలయ అభివృద్ధికి ప్రభుత్వం ప్రత్యేక ప్రాధాన్యతనిస్తోందని, మంజూరైన నిధులతో పనులు చేపట్టి భక్తులకు మెరుగైన సౌకర్యాలు కల్పించాలని సూచించారు. నిధుల మంజూరుకు సహకరించిన ఎమ్మెల్యేకు గ్రామస్తులు, ఆలయ కమిటీ సభ్యులు కృతజ్ఞతలు తెలిపారు.
