ఆలయాల పరిరక్షణకు ప్రతి ఒక్కరూ పాటుపడాలి!
బీజేపీ ఆధ్యాత్మిక సెల్ నూతన కమిటీ సమావేశంలో ఎమ్మెల్యే ధన్‌పాల్ సూర్యనారాయణ…
ఇందూరు: జిల్లాలోని చారిత్రక ఆలయాల పరిరక్షణకు ప్రతి ఒక్కరూ కృషి చేయాలని నిజామాబాద్ అర్బన్ ఎమ్మెల్యే ధన్‌పాల్ సూర్యనారాయణ అన్నారు. బీజేపీ ఆధ్యాత్మిక సెల్ నూతన కమిటీ సమావేశాన్ని నిర్వహించారు.
ఈ సందర్భంగా ఎమ్మెల్యే మాట్లాడుతూ.. నూతనంగా ఏర్పాటైన ఆధ్యాత్మిక సెల్ జిల్లాలోని హిందూ ఆలయాల అభివృద్ధికి కృషి చేయాలని సూచించారు. జిల్లాలో ఎన్నో చారిత్రక ఆలయాలు ఉన్నాయని, వాటి ఆస్తులు, భూములను పరిరక్షించాల్సిన బాధ్యత అందరిపై ఉందన్నారు. ఆలయాలపై జరిగే దాడులు, హిందూ వ్యతిరేక కార్యకలాపాలను ఐక్యంగా ఎదుర్కొని ఆలయాలకు అండగా నిలవాలని పిలుపునిచ్చారు.
హిందువులందరినీ ఏకతాటిపైకి తీసుకువచ్చి మన సంస్కృతి, సంప్రదాయాలను భావితరాలకు అందించేలా కృషి చేయాలని పేర్కొన్నారు. ఆలయ భూముల ఆక్రమణలను అడ్డుకుని, వాటి పరిరక్షణకు ప్రత్యేక శ్రద్ధ చూపాలని సూచించారు.
అనంతరం నూతన కమిటీ సభ్యులకు నియామక పత్రాలను అందజేశారు.
ఈ కార్యక్రమంలో బీజేపీ ఆధ్యాత్మిక సెల్ రాష్ట్ర కన్వీనర్ సూర్యప్రకాశ్ రావు, కో-కన్వీనర్ నిరంజన్ దేశాయ్, జాయింట్ కన్వీనర్ నవీన్, జిల్లా కన్వీనర్ మేఘా సుబేదార్, రాష్ట్ర సలహాదారు ఉదయ్ మహారాజ్, జిల్లా కో-కన్వీనర్ రాజేష్, చంద్రకాంత్ తదితరులు పాల్గొన్నారు.
