రష్యాలో చిక్కుకున్న పెద్ద మరియా తాండా యువకుడి కుటుంబానికి ఎమ్మెల్యే భరోసా
బాధిత కుటుంబానికి రూ.20 వేల ఆర్థిక సాయం అందజేత…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా ధర్పల్లి మండలంలోని పెద్ద మరియా తాండాకు చెందిన మెగావత్ ప్రకాష్ రష్యా ఆర్మీలో చేరి, ప్రస్తుతం యుద్ధ ప్రాంతంలో చిక్కుకున్న నేపథ్యంలో ఆయన కుటుంబాన్ని నిజామాబాద్ రూరల్ ఎమ్మెల్యే డా. ఆర్. భూపతి రెడ్డి బుధవారం పరామర్శించారు.
ఈ సందర్భంగా కుటుంబ సభ్యులకు ధైర్యం చెప్పిన ఎమ్మెల్యే, ప్రకాష్‌ను సురక్షితంగా స్వదేశానికి తీసుకువచ్చేందుకు అన్ని విధాలా కృషి చేస్తామని భరోసా ఇచ్చారు. బాధిత కుటుంబానికి అండగా నిలుస్తూ రూ.20 వేల ఆర్థిక సాయాన్ని అందజేశారు.
ఈ కార్యక్రమంలో డీసీసీ ఉపాధ్యక్షుడు ఆర్మూర్ బాలరాజ్, సర్పంచ్‌ల ఫోరం అధ్యక్షుడు చెలిమెల శ్రీనివాస్, మండల కాంగ్రెస్ అధ్యక్షుడు గాదె నరేష్, కాంగ్రెస్ సీనియర్ నాయకులు తదితరులు పాల్గొన్నారు.
