CEIR పోర్టల్‌తో పోయిన మొబైళ్లు తిరిగి యజమానుల చేతికి.. భీమ్‌గల్ పోలీసుల సేవలకు ప్రశంసలు…
త్రిశూల్ న్యూస్ రిపోర్టర్ కూనే జితేందర్
భీమ్‌గల్ పోలీస్ స్టేషన్ పరిధిలో పోగొట్టుకున్న 25 మొబైల్ ఫోన్లను పోలీసులు CEIR (Central Equipment Identity Register) పోర్టల్ ద్వారా విజయవంతంగా ట్రేస్ చేసి, వాటిని అసలు యజమానులకు అందజేశారు.
ఈ సందర్భంగా సర్కిల్ ఇన్స్పెక్టర్ (సీఐ) పొన్నం సత్యనారాయణ సబ్ ఇన్స్పెక్టర్ ఆధ్వర్యంలో బాధితులకు మొబైల్ ఫోన్లను పంపిణీ చేశారు.
సీఐ పొన్నం సత్యనారాయణ మాట్లాడుతూ, ప్రజలు తమ మొబైల్ ఫోన్ పోయిన వెంటనే సమీప పోలీస్ స్టేషన్‌లో ఫిర్యాదు చేయడంతో పాటు CEIR పోర్టల్ ద్వారా కూడా వివరాలు నమోదు చేస్తే, ఫోన్లను ట్రేస్ చేసి తిరిగి అందించే అవకాశం ఉంటుందని తెలిపారు.
పోగొట్టుకున్న మొబైల్ ఫోన్లు తిరిగి అందడంతో బాధితులు భీమ్‌గల్ పోలీసులకు కృతజ్ఞతలు తెలిపారు. పోలీసులు ప్రజలు తమ మొబైల్ ఫోన్ల IMEI నంబర్‌ను భద్రంగా ఉంచుకోవాలని సూచించారు.
