ఆంజనేయ స్వామి ఆలయ పున ప్రతిష్ఠాపన మహోత్సవంలో ఎమ్మెల్యే డా.ఆర్.భూపతి రెడ్డి
ప్రత్యేక పూజల నడుమ ఆలయ ప్రారంభోత్సవం
చిరకాల స్వప్నం నెరవేరిన వేళ గ్రామస్థుల హర్షం
ఆలయ పునర్నిర్మాణంలో ఎమ్మెల్యే కృషిని కొనియాడిన గ్రామస్థులు
హనుమాన్ జయంతి వేల..ఘనంగా ఆంజనేయ స్వామి ఆలయ ప్రారంభోత్సవం
7 ఏళ్ళ ఆంజనేయ స్వామి ఆలయ నిర్మాణ చిరకాల స్వప్నం ఎమ్మెల్యే డా.ఆర్. భూపతి రెడ్డి చొరవతో సాకారం కావడంతో రామడుగు గ్రామస్తులు హర్షం వ్యక్తంచేశారు. ధర్పల్లి మండలం రామడుగు గ్రామంలో దేవాదాయ శాఖ ద్వారా నిర్మించిన ఆంజనేయ స్వామి ఆలయాన్ని *నిజామాబాద్ రూరల్ నియోజకవర్గం ఎమ్మెల్యే డా.ఆర్. భూపతి రెడ్డి* గురువారం ముఖ్య అతిథిగా హాజరై ప్రారంభించారు.ఈ సందర్భంగా ఏర్పాటు చేసిన శిలాఫలకాన్ని ఆవిష్కరించారు. అనంతరం ఆంజనేయ స్వామి ఆలయంలో ప్రత్యేక పూజలు నిర్వహించి స్వామివారి ఆశీర్వచనాలు స్వీకరించారు. అంతకుముందు గ్రామానికి విచ్చేసిన ఎమ్మెల్యేను గ్రామస్థులు,పండితులు పూర్ణకుంభంతో సాదరంగా స్వాగతం పలికారు. అంతకు ముందు గ్రామంలో ఏర్పాటు చేసిన సర్దార్ సర్వాయి పాపన్న గౌడ్ విగ్రహాన్ని ఆవిష్కరించారు.మొఘలుల నిరంకుశ పాలనను వ్యతిరేకిస్తూ ఉద్యమించిన గొప్ప మహనీయులు పాపన్న గౌడ్ అని కొనియాడారు. అనంతరం ఏర్పాటు చేసిన కార్యక్రమంలో *ఎమ్మెల్యే డా.ఆర్. భూపతి రెడ్డి* మాట్లాడారు… గ్రామస్థులు ఐక్యంగా పట్టుబట్టి ఆలయ నిర్మాణానికి చూపిన సహకారం అభినందనీయమన్నారు. అడుగడుగున అడ్డంకులు ఏర్పడిన వాటిని అధిగమించి ఆలయాన్ని పునర్నిర్మించడం జరిగిందన్నారు.హనుమాన్ జయంతి పర్వదినం సందర్భంగా ఆలయాన్ని ప్రారంభించడం ఆనందంగా ఉందన్నారు.ఆ ఆంజనేయ స్వామి వారి ఆశీస్సీలు గ్రామస్తుల పై, నియోజకవర్గ ప్రజల పై ఉండాలని ఆకాంక్షించారు.అనంతరం గ్రామస్థులు పలు సమస్యలను వివరించగా.. వాటి పరిష్కారానికి కృషి చేస్తానని హామీ ఇచ్చారు.రామడుగు గ్రామాభివృద్ధికి తనవంతు కృషి చేస్తానని స్పష్టం చేశారు. అటు గ్రామానికి చెందిన పలువురు లబ్ధిదారులకు సీఎం సహాయనిధి చెక్కులను పంపిణీ చేశారు.ఈ కార్యక్రమంలో ఏఎంసీ చైర్మన్ ముప్ప గంగారెడ్డి,పార్టీ మండల అధ్యక్షులు ఆర్మూర్ బాల్ రాజు,పిసిసి డెలిగేట్ శేఖర్ గౌడ్,సర్పంచ్ ఫోరం మండల అధ్యక్షులు శ్రీనివాస్,స్థానిక సర్పంచ్ రమేష్ గౌడ్,గ్రామాభివృద్ధికి కమిటీ అధ్యక్షులు జి.రాజారెడ్డి,కే.రాజారెడ్డి,డి.గంగారెడ్డి,శ్రీనివాస్,పోషన్న,ఆనంద్,కాంగ్రెస్ పార్టీ నాయకులు మునిపల్లి పెద్ద సాయి రెడ్డి,పొలసాని శ్రీనివాస్,ధర్మాగౌడ్,రాంచందర్ గౌడ్,నరేందర్ రెడ్డి ఆయా గ్రామాల సర్పంచులు,పార్టీ కార్యకర్తలు తదితరులు పాల్గొన్నారు.
