పేదల వైద్య చికిత్సకు ఎల్వోసీ అందజేస్తున్నాం: అర్బన్ ఎమ్మెల్యే ధన్పాల్ సూర్యనారాయణ…
ఇందూరు: నియోజకవర్గంలోని అర్హులైన పేదలకు నిమ్స్ ఆసుపత్రిలో వైద్య చికిత్స అందేలా లెటర్ ఆఫ్ క్రెడిట్ (LOC) మంజూరు చేయడానికి ప్రత్యేక చర్యలు తీసుకుంటున్నట్లు నిజామాబాద్ అర్బన్ ఎమ్మెల్యే ధన్పాల్ సూర్యనారాయణ తెలిపారు.
నగరంలోని తన కార్యాలయంలో శనివారం గాజులపేటకు చెందిన తోక శ్రావణ్ కుమార్ కుటుంబ సభ్యులకు రూ.5 లక్షల విలువైన ఎల్వోసీ పత్రాన్ని ఎమ్మెల్యే అందజేశారు.
ఈ సందర్భంగా ఎమ్మెల్యే మాట్లాడుతూ, నియోజకవర్గంలోని పేద ప్రజలకు మెరుగైన వైద్య సేవలు అందించడమే తమ ప్రభుత్వ లక్ష్యమని అన్నారు. ఆర్థిక ఇబ్బందులతో చికిత్స పొందలేక ఇబ్బందులు పడుతున్న వారి పరిస్థితిని ముఖ్యమంత్రి ఎ. రేవంత్ రెడ్డి దృష్టికి తీసుకెళ్లి, అవసరమైన వారికి ఎల్వోసీలు మంజూరు చేయిస్తున్నట్లు తెలిపారు.
గాజులపేటకు చెందిన తోక శ్రావణ్ కుమార్ గుండె సంబంధిత వ్యాధితో బాధపడుతున్నారని, ఆయనకు నిమ్స్లో చికిత్స అందేందుకు రూ.5 లక్షల ఎల్వోసీ అందజేసినట్లు చెప్పారు.
పార్టీలకు అతీతంగా పేదల ప్రాణాలను కాపాడటమే తన ప్రధాన లక్ష్యమని ఎమ్మెల్యే స్పష్టం చేశారు.
అలాగే, హైదరాబాద్లోని బీబీనగర్ ఎయిమ్స్ ఆసుపత్రిలో అత్యాధునిక వైద్య సేవలు పూర్తిస్థాయిలో అందుబాటులోకి వచ్చాయని తెలిపారు. అత్యవసర శస్త్రచికిత్సలు అవసరమైన వారు ఎయిమ్స్ సేవలను సద్వినియోగం చేసుకోవాలని సూచించారు. కేంద్ర ప్రభుత్వం సుమారు రూ.1,000 కోట్ల వ్యయంతో అభివృద్ధి చేసిన ఈ సంస్థలో అత్యున్నత వైద్య సేవలు అందుబాటులో ఉన్నాయని, నియోజకవర్గ ప్రజలు వాటిని వినియోగించుకోవాలని కోరారు.
ఈ కార్యక్రమంలో కార్పొరేటర్లు మల్కాయి మహేందర్, నాగోళ్ల లక్ష్మీనారాయణ, పసునూరి రాము, ప్రసూన శ్రీనివాస్ తదితరులు పాల్గొన్నారు.
