మద్యం తాగి వాహనాలు నడిపితే జైలు శిక్ష తప్పదు: ఆర్మూర్ కోర్టు తీర్పు – ఇద్దరికి జైలు శిక్ష ఖరారు…
త్రిశూల్ న్యూస్ రిపోర్టర్ గుర్రం నరేష్…
రోడ్డు ప్రమాదాల నివారణ మరియు ప్రజల ప్రాణ రక్షణే ధ్యేయంగా నిజామాబాదు పోలీస్ కమీషనర్ P. సాయి చైతన్య ఆదేశాల మేరకు కమ్మర్పల్లి పోలీసు స్టేషన్ పరిధిలో విస్తృతంగా డ్రంక్ అండ్ డ్రైవ్ (Drunk & Drive) తనిఖీలు నిర్వహించడం జరిగింది. తనిఖీల్లో మద్యం సేవించి వాహనాలు నడుపుతూ పట్టుబడిన వ్యక్తులపై కేసులు నమోదు చేసి, నేడు జ్యుడీషియల్ మేజిస్ట్రేట్ కోర్టు ముందు హాజరుపరచడం జరిగింది.
నేరం రుజువు కావడంతో గౌరవ న్యాయమూర్తి గారు నిందితులకు జైలు శిక్ష విధిస్తూ తీర్పు వెల్లడించారు.
శిక్ష పడిన నిందితుల వివరాలు
1) పసేపు తిరుపతి R/0 ఉప్లూర్
కోర్టు తీర్పు: 04 రోజులు సాధారణ జైలు శిక్ష
2) దుబ్బక ముత్తాగౌడ్ R/0 ఉప్లూర్
కోర్టు తీర్పు: 10 రోజులు సాధారణ జైలు శిక్ష
మద్యం సేవించి వాహనాలు నడపడం వల్ల మీ ప్రాణాలకే కాకుండా రోడ్డుపై వెళ్లే ఇతర అమాయక ప్రజల ప్రాణాలకు ప్రమాదం ఏర్పడుతుంది. వాహనదారులు ఎవరూ కూడా మద్యం తాగి వాహనాలు నడిపి తమ విలువైన జీవితాలను నాశనం చేసుకోవద్దని, రాబోయే రోజుల్లో డ్రంక్ అండ్ డ్రైవ్ తనిఖీలు మరింత తీవ్రతరం చేస్తామని, నిబంధనలు ఉల్లంఘిస్తే జైలు శిక్షతో పాటు డ్రైవింగ్ లైసెన్స్ రద్దు వంటి కఠిన చర్యలు ఉంటాయని తెలియజేయడమైనది.
