రక్తదానం చేస్తే క్యాన్సర్, గుండె జబ్బులు వచ్చే అవకాశాలు తక్కువ
ఆపరేషన్ నిమిత్తమై మరియు రక్త హీనతతో బాధ పడుతున్న ఇద్దరు మహిళలకు సకాలంలో రక్తం అందజేత
ఆపదలో ఉన్న వారికి ఎల్లవేళలా రక్తాన్ని అందజేస్తాం
ఐవిఎఫ్ సేవాదళ్ రాష్ట్ర చైర్మన్,రెడ్ క్రాస్ జిల్లా సమన్వయ సభ్యులు డాక్టర్ బాలు…
త్రిశూల్ న్యూస్ రిపోర్టర్ గడిల లింగం
కామారెడ్డి జిల్లా కేంద్రంలోని వేరు వేరు ప్రైవేట్ వైద్యశాలలో ఆపరేషన్ నిమిత్తమై నీలిమ (28),అల్లే యశ్విత (26) లకు బి పాజిటివ్ అవసరం కావడంతో సింగరాయపల్లి గ్రామానికి చెందిన అధికం అజయ్ గౌడ్,మంథని దేవునిపల్లి గ్రామానికి చెందిన బత్తిని రమేష్ లు మానవతా దృక్పథంతో రక్తదానం చేసి ప్రాణదాతగా నిలవడం జరిగిందని ఐవిఎఫ్ సేవాదళ్ రాష్ట్ర చైర్మన్,రెడ్ క్రాస్ జిల్లా సమన్వయ సభ్యులు డాక్టర్ బాలు తెలియజేశారు.
ఈ సందర్భంగా డాక్టర్ బాలు మాట్లాడుతూ యువత రక్తదానం పట్ల ఉన్న అపోహలను విడనాడి రక్త దానానికి ముందుకు రావాలని పిలుపునిచ్చారు.రక్తదానం చేసే రక్తదాతలకు ప్రపంచ ఆరోగ్య సంస్థ నివేదికల ప్రకారం గుండె జబ్బులు, క్యాన్సర్,కొలెస్ట్రాల్ వంటి వ్యాధులు వచ్చే అవకాశాలు తక్కువగా ఉన్నాయని తెలియజేయడం జరిగిందని,రక్తదానం అంటే తోటి వారి ప్రాణాలను కాపాడడమే కాకుండా మన ప్రాణాలను కాపాడుకోవడం అనే విషయాన్ని తెలుసుకోవాల్సిన అవసరం ఎంతైనా ఉందని అన్నారు.నిస్వార్ధంగా రక్తదానానికి ముందుకొచ్చిన రక్తదాతలు అధికం అజయ్ గౌడ్, బత్తిని రమేష్ లకు కృతజ్ఞతలను, అభినందనలను తెలియజేశారు.
ఈ కార్యక్రమంలో అంకం బాలకిషన్ బ్లడ్ బ్యాంక్ సిబ్బంది పాల్గొనడం జరిగింది.
