నిహారిక చిల్డ్రన్స్ ఆసుపత్రి ఆధ్వర్యంలో సర్పంచ్‌కు ఘన సన్మానం!
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా ధర్పల్లి మండల కేంద్రంలోని నిహారిక చిల్డ్రన్స్ ఆసుపత్రి యాజమాన్యం ఆధ్వర్యంలో ఆదివారం గ్రామ సర్పంచ్ చెలిమెల శ్రీనివాస్‌ను ఘనంగా సన్మానించి, దీపావళి పండుగ శుభాకాంక్షలు తెలిపారు.
ఈ సందర్భంగా సర్పంచ్ చెలిమెల శ్రీనివాస్ మాట్లాడుతూ.. ప్రతి బుధవారం ఉచిత ఓపీ సేవలు అందించడంతో పాటు, ఉచిత వైద్య శిబిరాలు నిర్వహించడం అభినందనీయమని పేర్కొన్నారు. ప్రజలకు వైద్య సేవలను అందుబాటులోకి తీసుకురావడం మంచి విషయమని ఆసుపత్రి యాజమాన్యాన్ని అభినందించారు.
ఈ కార్యక్రమంలో ఆసుపత్రి నిర్వాహకుడు గోపు నరేష్, కర్క చిన్న బాల్ రెడ్డి, బూర్గుల చిన్నయ్య, వడ్ల రామదాసు, ఎండీ షంషుద్దీన్ తదితరులు పాల్గొన్నారు.
