హస కొత్తూరులో జాతీయ జెండాకు తీవ్ర అవమానం!
కమ్మర్ పల్లి మండలంలోని హస కొత్తూరు ప్రాథమిక పాఠశాలలో 80 వ స్వాతంత్ర దినోత్సవం సందర్భంగా శనివారం నిర్వహించిన జాతీయ జెండా 16 వ తేదీ మధ్యాహ్నం అయినా దించకపోవడంతో జాతీయ జెండాకు అవమానం జరిగింది. బాధ్యత గల విద్యావంతులు జెండా ఆవిష్కరణలో నిర్లక్ష్యం వహిస్తే భారత దేశానికే అవమానమని, కనీస దేశభక్తి, బాధ్యత లేకుండా ఉన్న ఉపాధ్యాయుడి నిర్లక్ష్యం పై స్థానిక ప్రజలు ఆగ్రహం వ్యక్తం చేశారు. జాతీయా జెండా కి తీవ్ర అవమానం పరిచిన హెడ్ మాస్టర్ పై చర్యలు తీసుకుంటారో లేదా చూసి చూడనట్లు వదిలేస్తారో చూడాలి. . ఇటువంటి ఘటన ఎక్కడ పునరవృతం కాకుండా కఠిన చర్యలు తీసుకోవాలని స్థానికులు డిమాండ్ చేస్తున్నారు.
