గౌరారం గ్రామంలో ఆన్‌లైన్ బెట్టింగ్‌కు యువకుడు బలి?
బెట్టింగ్‌లో భారీగా డబ్బులు నష్టం.. అప్పుల బాధతో యువకుడి మృతి…
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా ఇందల్వాయి మండలం గౌరారం గ్రామంలో విషాద ఘటన చోటుచేసుకుంది. ఆన్‌లైన్ బెట్టింగ్‌లో భారీగా డబ్బులు నష్టపోయి, అప్పుల బాధతో తీవ్ర మనస్తాపానికి గురైన పల్లికొండ రఘు (29) మృతి చెందాడు.
వివరాల్లోకి వెళ్తే.. గౌరారం గ్రామానికి చెందిన పల్లికొండ రఘు ఆన్‌లైన్ బెట్టింగ్‌లో భారీ మొత్తంలో డబ్బులు కోల్పోయినట్లు సమాచారం. ఈ క్రమంలో అప్పుల బాధతో తీవ్ర మనస్తాపానికి గురైన రఘు, ఇంట్లో ఎవరూ లేని సమయంలో ఉరివేసుకుని ఆత్మహత్యకు పాల్పడినట్లు తెలుస్తోంది.
ఈ ఘటనతో గ్రామంలో విషాద ఛాయలు అలుముకున్నాయి. సమాచారం అందుకున్న పోలీసులు ఘటనపై కేసు నమోదు చేసి దర్యాప్తు చేపట్టారు. ఆన్‌లైన్ బెట్టింగ్‌కు బానిసై ఆర్థికంగా నష్టపోవడం యువత జీవితాలపై తీవ్ర ప్రభావం చూపుతోందని ఈ ఘటన మరోసారి ఆందోళన కలిగిస్తోంది.
