చంద్రాయన్ పల్లి లో సైబర్ నేరాలపై అవగాహన.. అప్రమత్తంగా ఉండాలని ఎస్ఐ సుమలత సూచన!
త్రిశూల్ న్యూస్ ఇందల్వాయి మండల్ రిపోర్టర్ వైకుంఠం
నిజామాబాద్ జిల్లా ఇందల్వాయి మండలంలోని చంద్రాయన్ పల్లి గ్రామంలో సైబర్ నేరాలపై ఎస్ఐ సుమలత ప్రజలకు అవగాహన కల్పించారు. సైబర్ నేరగాళ్ల మోసాల పట్ల ప్రజలు అప్రమత్తంగా ఉండాలని, గుర్తుతెలియని వ్యక్తుల నుంచి వచ్చే ఫోన్ కాల్స్, లింకులు, మెసేజ్‌ల పట్ల జాగ్రత్తగా వ్యవహరించాలని సూచించారు.
అలాగే అత్యవసర పరిస్థితుల్లో గతంలో 100 నంబర్‌కు ఫోన్ చేసేవారని, ప్రస్తుతం పోలీసు, అగ్నిమాపక, రోడ్డు ప్రమాదాలు తదితర అత్యవసర సేవల కోసం 112 నంబర్‌కు కాల్ చేయాలని ఎస్ఐ సుమలత వివరించారు. 112కు ఫోన్ చేస్తే సంబంధిత పోలీస్ స్టేషన్‌కు సమాచారం చేరుతుందని, వెంటనే అవసరమైన సహాయక చర్యలు చేపట్టేందుకు వీలుంటుందని ఆమె తెలిపారు. ప్రజలు ఈ సేవలను సద్వినియోగం చేసుకోవాలని కోరారు.
