ధర్పల్లిలో రేపు ఎస్ఐఆర్‌పై గ్రామసభ…
త్రిశూల్ న్యూస్ రిపోర్టర్ బిల్లా నవీన్…
నిజామాబాద్ జిల్లా ధర్పల్లి గ్రామ పంచాయతీ కార్యాలయం వద్ద రేపు ఉదయం 9:30 గంటలకు ఎస్ఐఆర్ కార్యక్రమంపై గ్రామసభ నిర్వహించనున్నట్లు తహసీల్దార్ టీ. శాంత తెలిపారు.
నూతన ఓటర్ జాబితా డ్రాఫ్ట్ అందుబాటులోకి వచ్చిన నేపథ్యంలో గ్రామసభలో ఓటర్ జాబితా వివరాలను ప్రజలకు తెలియజేయడంతో పాటు, కొత్తగా ఓటరుగా నమోదు చేసుకునేందుకు సంబంధించిన వివరాలు, ఓటర్ జాబితాలో ఏవైనా తప్పులు లేదా సవరణలు ఉంటే వాటిని నమోదు చేసుకునే విధానంపై ప్రజలకు అవగాహన కల్పించనున్నారు.
కావున ధర్పల్లి గ్రామంలోని ప్రజలందరూ ఈ గ్రామసభకు తప్పక హాజరై, ఓటర్ జాబితాను పరిశీలించుకోవాలని తహసీల్దార్ టీ. శాంత కోరారు.
