ధర్పల్లి మండలం కేంద్రంలో పంట పొలాల్లో విద్యుత్ సమస్యలు పరిష్కరించాలని బీజేపీ వినతి…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాదు జిల్లా ధర్పల్లి మండల కేంద్రంలో పంట పొలాల్లో నెలకొన్న విద్యుత్ సమస్యలను పరిష్కరించాలని కోరుతూ బీజేపీ మండల అధ్యక్షుడు మహిపాల్ యాదవ్ ఆధ్వర్యంలో మీడియా సమావేశం నిర్వహించారు. రైతులు ఎదుర్కొంటున్న విద్యుత్ ఇబ్బందులు, పంటలకు సాగునీరు అందడంలో ఎదురవుతున్న సమస్యలను ఈ సందర్భంగా నాయకులు వివరించారు.
అనంతరం ధర్పల్లి సబ్‌స్టేషన్‌లో ఏఈ గ్రూప్ సాయికి. బీజేపీ నాయకులు వినతిపత్రం అందజేశారు. రైతులకు నిరంతరాయంగా విద్యుత్ సరఫరా చేయడంతో పాటు పంట పొలాల్లో నెలకొన్న విద్యుత్ సమస్యలను తక్షణమే పరిష్కరించాలని కోరారు.
ఈ కార్యక్రమంలో బీజేపీ సీనియర్ నాయకులు కర్క గంగారెడ్డి, సరిచంద్, కర్రోల శ్రీకాంత్, సదానంద్ గౌడ్, నరేష్ గౌడ్, పాలెపు సుమన్, రఘుపతి రెడ్డి, అమ్రూ నాయక్, దోర్నాల రాజశేఖర్, శ్రీనివాస్ రెడ్డి, గోపి తదితరులు, బీజేపీ కార్యకర్తలు పాల్గొన్నారు.
