భీంగల్లో బడ్జెట్ స్కూల్స్ మేనేజ్మెంట్ అసోసియేషన్ నూతన కార్యవర్గం…
త్రిశూల్ న్యూస్ రిపోర్టర్ కూనే జితేందర్
భీంగల్: బడ్జెట్ స్కూల్స్ మేనేజ్మెంట్ అసోసియేషన్ ఆఫ్ తెలంగాణ – భీంగల్ మండల నూతన కార్యవర్గాన్ని ఇటీవల ఏర్పాటు చేశారు. ఈ సందర్భంగా నూతన కార్యవర్గ సభ్యులను లిటిల్ ఫ్లవర్ హైస్కూల్కు చెందిన డా. షఫీ ఘనంగా సన్మానించారు.
నూతన కార్యవర్గంలో అధ్యక్షుడిగా ఖదీమ్ ఇక్బాల్ (నూర్ ఉల్ హుదా స్కూల్), కార్యదర్శిగా హరీష్ (గ్లోబల్ స్కూల్), కోశాధికారిగా రిజ్వాన్ ఉద్దీన్ (డెక్కన్ స్కూల్) ఎన్నికయ్యారు.
ఈ సందర్భంగా నూతన కార్యవర్గ సభ్యులు మాట్లాడుతూ.. భీంగల్ మండలంలోని బడ్జెట్ పాఠశాలల సంక్షేమం, అభివృద్ధి కోసం ఐక్యంగా పనిచేస్తామని తెలిపారు. నాణ్యమైన విద్యను ప్రోత్సహించడంతో పాటు పాఠశాలల యాజమాన్యాలు ఎదుర్కొంటున్న సమస్యల పరిష్కారానికి కృషి చేస్తామని పేర్కొన్నారు.
నూతన కార్యవర్గ సభ్యులను సన్మానించి ప్రోత్సహించిన డా. షఫీకి అసోసియేషన్ సభ్యులు ప్రత్యేక కృతజ్ఞతలు తెలిపారు.
“నాణ్యమైన విద్య కోసం.. బడ్జెట్ పాఠశాలల అభివృద్ధి కోసం.. ఐక్యంగా ముందుకు సాగుతాం” అని నూతన కార్యవర్గ సభ్యులు పేర్కొన్నారు.
