మండల స్థాయి క్రీడా పోటీల్లో రాణించిన ఎంజేపీ రాంపూర్ విద్యార్థులు
కబడ్డీ,ఖోఖోలో ప్రథమ స్థానం.. వాలీబాల్‌లో ద్వితీయ స్థానం…
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా డిచ్‌పల్లి మండల కేంద్రంలో శనివారం ముగిసిన 70వ ఎస్‌జీఎఫ్ మండల స్థాయి క్రీడా పోటీల్లో రాంపూర్ మహాత్మా జ్యోతిబా ఫూలే గురుకుల పాఠశాల బాలుర విద్యార్థులు సత్తా చాటారు. అండర్‌-14 విభాగంలో కబడ్డీ, ఖోఖో పోటీల్లో ప్రథమస్థానాలుసాధించగా,వాలీబాల్‌లో ద్వితీయ స్థానం కైవసం చేసుకున్నారు.అదేవిధంగా అండర్‌-17 విభాగం ఖోఖో పోటీల్లో ద్వితీయ స్థానంలో నిలిచారు.వివిధ క్రీడా పోటీల్లో ప్రతిభ కనబరిచి విజయాలు సాధించిన విద్యార్థులతో పాటు,వారికి శిక్షణ ఇచ్చిన పీఈటీ ఇంతియాజ్‌ను పాఠశాల ప్రిన్సిపాల్.నరేష్ గౌడ్ అభినందించారు. విద్యార్థులు ఇదే స్ఫూర్తితో భవిష్యత్తులో జిల్లా,రాష్ట్ర స్థాయి పోటీల్లోనూ రాణించాలని ఆకాంక్షించారు.
