తెలంగాణ యూనివర్సిటీలో బీటెక్ రెండో సెమిస్టర్ ఫలితాలు విడుదల
70 మంది విద్యార్థులకు గాను 38 మంది ఉత్తీర్ణత.. 30 మంది ప్రమోట్, ఇద్దరు డిటైన్…
త్రిశూల్ న్యూస్ రిపోర్టర్ ప్రభాకర్
నిజామాబాద్: తెలంగాణ యూనివర్సిటీ పరిధిలోని ఇంజనీరింగ్ కళాశాల 2025 బ్యాచ్ బీటెక్ రెండో సెమిస్టర్ పరీక్షల ఫలితాలను బుధవారం విడుదల చేశారు. వర్సిటీ ఉపకులపతి ఆచార్య టి. యాదగిరిరావు, రిజిస్ట్రార్ ఆచార్య ఎం. యాదగిరితో కలిసి ఫలితాలను విడుదల చేశారు.
ఈ సందర్భంగా పరీక్షల నియంత్రణ అధికారి ఆచార్య కె. సంపత్ కుమార్ ఫలితాల వివరాలను వెల్లడించారు.
బీటెక్ కంప్యూటర్ సైన్స్ అండ్ ఇంజినీరింగ్ విభాగంలో మొత్తం 56 మంది విద్యార్థులు పరీక్షలకు హాజరయ్యారు. వీరిలో 28 మంది పురుషులు, 28 మంది మహిళలు ఉన్నారు. మొత్తం 29 మంది విద్యార్థులు ఉత్తీర్ణత సాధించగా, వారిలో 11 మంది పురుషులు, 18 మంది మహిళలు ఉన్నారు. మరో 25 మంది విద్యార్థులు ప్రమోట్ కాగా, వారిలో 15 మంది పురుషులు, 10 మంది మహిళలు ఉన్నారు. ఇద్దరు పురుష విద్యార్థులు డిటైన్ అయ్యారు.
బీటెక్ కంప్యూటర్ సైన్స్ అండ్ ఆర్టిఫిషియల్ ఇంటెలిజెన్స్ విభాగంలో మొత్తం 14 మంది విద్యార్థులు పరీక్షలకు హాజరయ్యారు. వీరిలో ఆరుగురు పురుషులు, ఎనిమిది మంది మహిళలు ఉన్నారు. మొత్తం తొమ్మిది మంది విద్యార్థులు ఉత్తీర్ణత సాధించగా, వారిలో ఇద్దరు పురుషులు, ఏడుగురు మహిళలు ఉన్నారు. మరో ఐదుగురు విద్యార్థులు ప్రమోట్ అయ్యారు. వీరిలో నలుగురు పురుషులు, ఒక మహిళ ఉన్నారు.
మొత్తంగా రెండు విభాగాల్లో కలిపి 70 మంది విద్యార్థులు పరీక్షలకు హాజరుకాగా, 38 మంది ఉత్తీర్ణత సాధించారు. మరో 30 మంది విద్యార్థులు ప్రమోట్ కాగా, ఇద్దరు విద్యార్థులు డిటైన్ అయ్యారు.
ఈ కార్యక్రమంలో అడిషనల్ కంట్రోలర్ ఆఫ్ ఎగ్జామినేషన్స్ (పీజీ) డాక్టర్ టి. సంపత్ కుమార్, ఇంజినీరింగ్ కళాశాల ప్రిన్సిపల్ ఆచార్య ఆరతి, డాక్టర్ నందిని తదితరులు పాల్గొన్నారు.
