ఎస్‌ఐఆర్‌లో 30 పోలింగ్ కేంద్రాలు పూర్తి.. బీఎల్‌వోలను అభినందించిన తహశీల్దార్…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
ధర్పల్లి: నిజామాబాద్ జిల్లా ధర్పల్లి మండలంలో స్పెషల్ ఇంటెన్సివ్ రివిజన్ (ఎస్‌ఐఆర్) ప్రక్రియ వేగవంతంగా కొనసాగుతోంది.
మండలంలోని మొత్తం 35 పోలింగ్ స్టేషన్లలో ఇప్పటివరకు 30 పోలింగ్ స్టేషన్లలో ఎస్‌ఐఆర్ ప్రక్రియ విజయవంతంగా పూర్తయినట్లు తహశీల్దార్ శాంతా తెలిపారు.
బీఎల్‌వోలు (BLOలు)తో నిర్వహించిన ప్రత్యేక సమీక్ష సమావేశంలో ఆమె మాట్లాడుతూ, లక్ష్య సాధనకు కృషి చేసిన బీఎల్‌వోలను అభినందించారు. మిగిలిన 5 పోలింగ్ స్టేషన్లలో కూడా మరో రెండు రోజుల్లో వంద శాతం ప్రక్రియ పూర్తయ్యేలా చర్యలు తీసుకుంటున్నామని తెలిపారు.
ఓటరు జాబితా ప్రత్యేక సవరణ కార్యక్రమానికి ఆగస్టు 3 వరకు గడువు ఉన్నందున, అర్హులైన ప్రతి ఓటరు తమ వివరాలను సరిచూసుకుని అవసరమైన పత్రాలను సమర్పించి ఈ అవకాశాన్ని వినియోగించుకోవాలని తహశీల్దార్ శాంతా సూచించారు.
