భీంగల్ మండలం దేవక్కపేట గ్రామ శివారులో రోడ్డు ప్రమాదం ఒకరు మృతి,మరొక్కరికి తీవ్రగాయాలు ఎస్ ఐ సి హెచ్ తిరుపతి…
త్రిశూల్ న్యూస్ రిపోర్టర్ కూనే జితేందర్…
జగిత్యాల జిల్లా కథలాపూర్ మండలం పోతారం కు చెందిన గుగులోతు ప్రమోద్ అనే యువకుడు మృతి చెందగా, గుగులోతు నరేందర్ గాయపడ్డాడు.
ప్రమోద్ బైక్ మీద దేవక్కపేట లో బంధువుల ఇంటికి వచ్చి తిరిగి తన స్వగ్రామం కు వెళ్తుండగా గ్రామ శివారులో రోడ్డు మీద ఉంచిన ట్రాక్టర్‌ ట్రాలీ ను ఢీకొనడంతో ప్రమాదం జరిగింది. ఈ ప్రమాదంలో ప్రమోద్ తలకు తీవ్ర గాయాలై అక్కడికక్కడే మృతి చెందగా, నరేందర్ గాయపడి చికిత్స నిమిత్తం ఆసుపత్రికి తరలించబడ్డాడు.
రోడ్డుపై ట్రాలీ ట్రాక్టర్‌ను నిర్లక్ష్యంగా పార్క్ చేసిన గంధం రవిపై కేసు నమోదు చేసి దర్యాప్తు కొనసాగుతోంది.
ఈ సందర్భంగా భీంగల్ ఎస్.ఐ. సి హెచ్ తిరుపతి మాట్లాడుతూ, రహదారులపై ట్రాక్టర్లు, ట్రాలీలు ,ఇతర వాహనాలను నిర్లక్ష్యంగా పార్క్ చేయరాదని, రాత్రి సమయంలో వాహనాలను నిలిపివేయాల్సి వస్తే తప్పనిసరిగా రిఫ్లెక్టర్లు లేదా హెచ్చరిక సూచికలు ఏర్పాటు చేయాలని సూచించారు.
