శ్రీకృష్ణ జన్మాష్టమి వేడుకల్లో ఉట్టి కొట్టిన మొచ్చే సాయి: ఇందల్వాయిలో ఘనంగా ఉట్టి ఉత్సవం…
త్రిశూల్ న్యూస్ ఇందల్వాయి మండల్ రిపోర్టర్ జితేందర్
మండల కేంద్రమైన ఇందల్వాయి గ్రామంలో శ్రీకృష్ణ జన్మాష్టమి పర్వదినాన్ని పురస్కరించుకొని గ్రామ అభివృద్ధి కమిటీ (వీడీసీ) ఆధ్వర్యంలో కృష్ణాష్టమి వేడుకలను అత్యంత వైభవంగా, ఆధ్యాత్మిక వాతావరణంలో నిర్వహించారు. ఈ సందర్భంగా గ్రామంలో ప్రత్యేకంగా ఏర్పాటు చేసిన ఉట్టి కొట్టే పోటీ స్థానికులను, యువతను విశేషంగా ఆకట్టుకుంది.
స్థానిక యువకులు, చిన్నారులు ఉత్సాహంగా పాల్గొన్న ఈ పోటీలో గ్రామానికి చెందిన మొచ్చే సాయి అత్యంత ప్రతిభ కనబరిచి ఉట్టిని కొట్టి విజేతగా నిలిచారు. ఉట్టి కొట్టిన విజేతను వీడీసీ ప్రతినిధులు, గ్రామ పెద్దలు మరియు ప్రజాప్రతినిధులు ప్రత్యేకంగా అభినందించి, బహుమతిని అందజేశారు.
ఈ కార్యక్రమంలో స్థానిక సర్పంచ్ లోకాని గంగామణి, గంగారాం, ఉప సర్పంచ్ శ్రీనివాస్ గౌడ్, వీడీసీ అధ్యక్షుడు రియాజ్, ఉప అధ్యక్షుడు బాగిర్తి నారాయణ, తేలు రాములు, వీడీసీ సభ్యులు, స్థానిక ప్రజాప్రతినిధులు మరియు గ్రామ ప్రజలు, యువకులు పెద్ద సంఖ్యలో పాల్గొని కార్యక్రమాన్ని దిగ్విజయం చేశారు.
