వీడీసీల రద్దుకు కృషి చేయాలి: BAMCEF జాతీయ అధ్యక్షులు వామన్ మేశ్రం
తాళ్లరాంపూర్ వీడీసీ బాధితుల విజ్ఞప్తి…
త్రిశూల్ న్యూస్ రిపోర్టర్ ప్రభాకర్
హైదరాబాద్‌లోని సుందరయ్య విజ్ఞాన కేంద్రంలో జరిగిన జాతీయ మహాసభలో BAMCEF జాతీయ అధ్యక్షులు మాన్యులు వామన్ మేశ్రంను తాళ్లరాంపూర్ గ్రామ అభివృద్ధి కమిటీ (వీడీసీ) బాధితులు కలిశారు.
ఈ సందర్భంగా గ్రామంలో తమపై జరుగుతున్న వెలివేత, వివక్షకు సంబంధించిన సమస్యలను వామన్ మేశ్రం దృష్టికి తీసుకెళ్లి, తమ గోడును వివరించారు. వీడీసీ వ్యవస్థను రద్దు చేసే దిశగా కృషి చేయాలని వారు కోరారు.
అనంతరం వామన్ మేశ్రం మాట్లాడుతూ, BAMCEF, ILPA ఆధ్వర్యంలో ఈ సమస్య పరిష్కారానికి తమ వంతు సహకారం అందిస్తామని బాధితులకు భరోసా ఇచ్చారు. ఇలాంటి ఘటనలకు ప్రభుత్వం తావివ్వడం వల్ల మనుస్మృతి ఆధారంగా ప్రభుత్వం ముందుకు సాగుతున్నదనే సంకేతం వస్తుందని అన్నారు.
ఇలాంటి పద్ధతులను మార్చుకోకపోతే భారత రాజ్యాంగ పరిరక్షణ కోసం BAMCEF ఆధ్వర్యంలో పోరాటం చేయాల్సిన పరిస్థితి వస్తుందని పేర్కొన్నారు.
ఈ కార్యక్రమంలో దిబ్బ సుదర్శన్, నర్సా గౌడ్, నారాయణ గౌడ్ తదితరులు పాల్గొన్నారు.
