రాష్ట్రస్థాయి టైక్వాండో పోటీల్లో నేహా వైష్ణవికి గోల్డ్ మెడల్
జాతీయస్థాయి పోటీలకు ఎంపికైన నిజామాబాద్ జిల్లా విద్యార్థిని…
నిజామాబాద్: నిజామాబాద్ జిల్లాకు చెందిన కె. నేహా వైష్ణవి రాష్ట్రస్థాయి టైక్వాండో పోటీల్లో బంగారు పతకం సాధించి జాతీయస్థాయి పోటీలకు ఎంపికైంది.
కుడిత్యాల శోభ, సంతోష్‌ల కుమార్తె అయిన నేహా వైష్ణవి ప్రస్తుతం ప్రెసిడెన్సీ హైస్కూల్‌లో పదో తరగతి చదువుతోంది. ఇటీవల వికారాబాద్‌లో నిర్వహించిన అండర్‌-17 రాష్ట్రస్థాయి 70వ ఎస్‌జీఎఫ్‌ టైక్వాండో ఛాంపియన్‌షిప్‌లో ప్రతిభ కనబరిచి గోల్డ్ మెడల్ సాధించింది.
ఈ విజయంతో నేహా వైష్ణవి జాతీయస్థాయి పోటీలకు అర్హత సాధించింది. అక్టోబర్ 21 నుంచి 27 వరకు జమ్మూకశ్మీర్‌లోని శ్రీనగర్‌లో నిర్వహించనున్న జాతీయస్థాయి టైక్వాండో పోటీల్లో కోచ్ వినోద్ మాస్టర్‌తో కలిసి ఆమె పాల్గొననుంది.
రాష్ట్రస్థాయిలో బంగారు పతకం సాధించి జాతీయస్థాయి పోటీలకు ఎంపిక కావడం పట్ల విద్యార్థిని తల్లిదండ్రులు, పాఠశాల యాజమాన్యం హర్షం వ్యక్తం చేస్తున్నారు. జాతీయస్థాయి పోటీల్లోనూ నేహా వైష్ణవి ఉత్తమ ప్రతిభ కనబరిచి విజయం సాధించాలని ఆకాంక్షిస్తున్నారు.
