మెదక్ జిల్లాకు తొలిసారి విచ్చేసిన హై కోర్టు జస్టిస్ గాడి ప్రవీణ్ కుమార్ కు ఘన స్వాగతం…
త్రిశూల్ న్యూస్ రిపోర్టర్ కూనే జితేందర్…
భీంగల్ ప్రాంత వాస్తవ్యులు అయినా,మెదక్ జిల్లా ఇంచార్జి న్యాయమూర్తిగా నియమితులైన తెలంగాణ హైకోర్టు న్యాయమూర్తి జస్టిస్ గాడి ప్రవీణ్ కుమార్ తొలిసారి మెదక్ జిల్లాకు విచ్చేశారు. ఈ సందర్భంగా జిల్లా న్యాయవ్యవస్థ, జిల్లా యంత్రాంగం ఆయనకు ఘన స్వాగతం పలికారు.
శనివారం ఉదయం మెదక్ చేరుకున్న జస్టిస్ గాడి ప్రవీణ్ కుమార్ కు జిల్లా ప్రధాన న్యాయమూర్తి, ఇతర న్యాయమూర్తులు, బార్ అసోసియేషన్ సభ్యులు, న్యాయవాదులు పుష్పగుచ్ఛాలు అందజేసి సాదరంగా ఆహ్వానించారు. జిల్లా కలెక్టర్, ఎస్పీ తదితర ఉన్నతాధికారులు కూడా మర్యాదపూర్వకంగా కలిసి స్వాగతం పలికారు.
అనంతరం జిల్లా కోర్టు ప్రాంగణంలో ఏర్పాటు చేసిన స్వాగత కార్యక్రమంలో జస్టిస్ గాడి ప్రవీణ్ కుమార్ పాల్గొన్నారు. అనంతరం జిల్లా కోర్టు లోని నూతన భవనాన్ని జ్యోతి ప్రజ్వలానా చేసి ప్రారంభించారు.
ఈ కార్యక్రమంలో జిల్లా ప్రధాన న్యాయమూర్తి, మెదక్ జిల్లా జడ్జి నీలిమ, జిల్లాలోని వివిధ కోర్టుల న్యాయమూర్తులు జిల్లా కలెక్టర్ ప్రతిమాసింగ్ , ఎస్పీ డివి శ్రీనివాసరావు, అదనపు ఎస్పీ విక్రాంత్ కుమార్ సింగ్, డీఎఫ్ఓ జోజి, బార్ సోసియేషన్ మెంబర్స్ పాల్గొన్నారు..
