భీంగల్ లో ఘనంగా ప్రజాకవి అందెశ్రీ 65వ జయంతి…
త్రిశూల్ న్యూస్ రిపోర్టర్ కూనే జితేందర్
భీంగల్ పట్టణానికి చెందిన కొరవి గోపరాజు సాహిత్య సాంస్కృతిక సంస్థ వ్యవస్థాపక అధ్యక్షుడు, ప్రముఖ కవి కంకణాల రాజేశ్వర్ ఆధ్వర్యంలో ప్రముఖ వాగ్దేయకారుడు, ప్రజాకవి, సహజ కవి, ప్రకృతి కవి, ఉత్తమ గీత రచయిత, నంది అవార్డు గ్రహీత, తెలంగాణ మాతృ గీత రచయిత డాక్టర్ అందెశ్రీ 65వ జయంతిని శనివారం ఘనంగా నిర్వహించారు. ఈ సందర్భంగా అందెశ్రీ చిత్రపటానికి కంకణాల రాజేశ్వర్ పూలమాల వేసి ఘనంగా నివాళులు అర్పించారు. తదనంతరం కంకణాల రాజేశ్వర్ మాట్లాడుతూ అందేశ్రీ సిద్దిపేట జిల్లా మద్దూరు మండలం రేబర్తి గ్రామంలో అందె ఎల్లమ్మ బుడ్డయ్య దంపతులకు 1961 జూలై 18న జన్మించారు. పశువుల పాలేరు నుండి ప్రజాకవిగా ఎదిగి తెలంగాణ రాష్ట్ర అధికారిక గీతం “జయ జయహే తెలంగాణ, జననీ జయకేతనం” ను రచించారు. తెలంగాణ ఉద్యమానికి చేసిన సేవల్ని కొనియాడారు. ఎలాంటి విద్యను అభ్యసించకుండా మూడు వేల కవితలు, సినిమా పాటలు రాశారు. కాకతీయ విశ్వవిద్యాలయం నుండి గౌరవ డాక్టరేట్ పొందారు. తెలంగాణ ఉద్యమానికి అందెశ్రీ చేసిన సేవలను గుర్తించి 2025 జూన్ 25న సికింద్రాబాద్ పరేడ్ గ్రౌండ్స్ లో జరిగిన తెలంగాణ ఆవిర్భావ దినోత్సవ వేడుకల్లో అందెశ్రీకి ఒక కోటి రూపాయల నగదు బహుమతిని ప్రదానం చేశారు అని అన్నారు. ఈ కార్యక్రమంలో సర్వసమాజ్ ఉపాధ్యక్షుడు తీగల రఘు, డప్పు ప్రశాంత్, నిచ్చేమోల్ల మహేష్, కొండ సాయికిరణ్, గజ్జెల విగ్నేష్ (భరత్), సున్నపు సాయి కుమార్ పాల్గొన్నారు.
